Gold un Silver gaht na de Grundschool Feldbreet

Schon seit vielen, vielen Jahren gibt es an unserer Schule eine Plattdeutsch-AG, die von Frau Annelene Geertje geleitet wird. Hier berichtet Frau Geertje über den Erfolg beim Plattdeutschen Lesewettbewerb 2017.

All twee Johr gifft dat den Plattdüütschen Lääswettstriet von de Ollnborger Landskup. Dit Jahr weer de Kreisentscheid von de Scholen ut dat Ammerland am 25. April 2017 in die KGS in Rastäe. De enzelten Schoolsieger wern bekannt un üm de 60 Schölers wuln dor ehre Gechichten vorläsen. Wat weer dat för eene Upregung in de Grundschool Feldbreet. Een von de Schoolsiegers ut de 3. Klass weer morgens krank wurrn. Gau wurr mit Jantje Ersatz söcht, düchtig öövt, good tosnackt un denn halt de lüttje Deern ok noch de Goldmedaille för de 3. Klass von all de Scholen ut dat Ammerland na de Grundschool Feldbreet. Over dat nich noog. De Silvermedaille gung an Muro ut de 4. Klass. He hett siene Geschichte moi vorlääst. Dat hett us all tüchtig freut, un ganz besinners Fro Hobusch, use Rektorin. Se snackt ok geern mal mit de Kinner Plattdüütsch. Un ick freu mi, dat ik so plietsche Kinner in die Plattdüütsch-AG hebb, de geern miteenanner Plattdüütsch snackt, vääl Pläser an de Spraak hebbt un ok noch so good läsen köönt. Nu geiht dat wieder na den Ollnborg-Entscheid an 19. Mai 2017. We drückt de Dumen.

Aktualisierung: Jantje hat den 2. Platz im Oldenburg-Entscheid geholt. Herzlichen Glückwunsch!

 

Anm.:Verwendung der Abbildung mit freundlicher Genehmigung der Oldenburgischen Landschaft